İyunun 22-də Qazaxıstandan olan turist təhlükəsizlik xidmətinin əməkdaşları tərəfindən saxlanılıb.

KONKRET.az xarici mediaya istinadən xəbər verir ki, qazax Pompey arxeoloji parkında tarixi binanın üzərində açıq rəngli gipslə Əli hərfləri həkk edib.

Qazaxıstan Xarici İşlər Nazirliyi turistin tarixi binaya qanunsuz yazı yazdığına görə saxlanıldığını təsdiqləyib.

“Hüquq-mühafizə orqanları ilə bütün lazımi rəsmiləşdirmələr aparıldıqdan sonra o, azadlığa buraxılıb”, – deyə Xarici İşlər Nazirliyinin sözçüsü Aibek Smadiyarov bildirib.

Bildirilir ki, turist memarlıq abidəsinə dəymiş ziyanı ödəməli olacaq. Dəqiq məbləğ texniki müayinədən sonra açıqlanacaq.

Natiq Səlim,

KONKRET.az