“Laçın dəhlizi bağlıdır, Qarabağa necə gedəcəyimi ağlıma gətirə bilmirəm”.

KONKRET.az xəbər verir ki, bunu Ermənistan parlamentinin sessiyası zamanı spiker Alen Simonyan deyib.

“Ermənistan” fraksiyasının katibi Artsvik Minasyan Simonyana sual verib:

“Cənab Simonyan, siz Ermənistan-“Arsax” “parlament”lərarası komissiyasının sədrisiniz, baxmayaraq ki, heç vaxt görüş keçirilməyib. İndi bu barədə nə deyə bilərsiniz, görüş nəzərdə tutulub?”

Alen Simonyan cavab verdi ki, görüşün sentyabrın 19-na təyin edilməsi nəzərdə tutulsa da, 13-14 sentyabr hadisələri ilə əlaqədar təxirə salınıb.

Minasyan Qarabağa getmək cəhdinin olub-olmaması ilə maraqlanıb. Spiker belə cavab verib:

“Laçın dəhlizi bağlı olduğu üçün sizin görüş təklifinizi necə həyata keçirə biləcəyinizi təsəvvür edə bilmirəm. Onlayn görüş təklif edib, müzakirə edib bilərik”.

Xuraman Etibarlı,

KONKRET.az