Avropa İttifaqı (Aİ) ilə Ermənistan arasında münasibətlərin yeni mərhələyə keçdiyi bildirilib.

KONKRET.az xəbər verir ki, Avropa Komissiyasının sədri Ursula fon der Leyen X (keçmiş Twitter) platformasında paylaşım edərək, Aİ–Ermənistan tərəfdaşlığının yaxın olduğunu vurğulayıb.

O, bu gün keçirilən Aİ–Ermənistan sammitindən görüntülər də paylaşıb.

Fon der Leyen qeyd edib ki, tərəfdaşlıq artıq “tamamilə yeni səviyyəyə” yüksəlir.

O, həm erməni, həm də ingilis dillərində “Aİ və Ermənistan dostluğuna eşq olsun” sözlərini yazıb.

Sammit çərçivəsində tərəflər əməkdaşlığın genişləndirilməsi və qarşılıqlı əlaqələrin gücləndirilməsi istiqamətində müzakirələr aparıblar.

Müşviq Tofiqoğlu
KONKRET.az