Fransa prezidenti Emmanuel Makron ukraynalı həmkarı Volodimir Zelenski ilə telefon danışığı aparıb.

KONKRET.az xəbər verir ki, bu barədə Yelisey sarayı məlumat yayıb.

Makron və Zelenski Zaporojye Atom Elektrik Stansiyası ətrafında yaranan və Ukraynadakı son vəziyyəti müzakirə ediblər.

Makron hava hücumundan müdafiə ilə bağlı Ukraynaya hərbi dəstəyi artırmaq üçün səfərbər olduqlarını bildirib.

Makron həmçinin bildirib ki, qış şərtlərinin yaxınlaşması ilə əlaqədar dəstəyi artıracaq.