“Məni öldürmək üçün xüsusi əməliyyatın son mərhələsindəyik və hamı bu işdə iştirak edir”.

KONKRET.az xəbər verir ki, bunu Gürcüstanın keçmiş prezidenti Mixail Saakaşvili Facebook sosial şəbəkəsində yazıb.

Saakaşvili klinikanın həkimlərinin mətbuat konfransına reaksiya verib və deyir ki, “Vivamed” əsas xəstəliklərini müalicə etməkdən imtina edib.

“Vivamed” klinikasının həkimlərinin mətbuat konfransında yeganə həqiqət o idi ki, mənim vəziyyətim ağırdır və sürətlə pisləşir. Və klinika praktiki olaraq heç nə edə bilməz. Qalan hər şey yalan idi. Bu klinika mənim əsas xəstəliklərimi müalicə etməkdən imtina edib. Xüsusilə, ağır metallarla zəhərlənmə, anoreksiya və kaxeksiyanı müalicə etmirlər. Heç kim mənim kimi yaşamaq istəmir! Mən Ukraynanın qələbəsinə və bütün Putinistlərin sonuna çıxana qədər ölmək istəmirəm.

Oliqarxın itinə üz tutmaq istəyirəm, Gürcüstandan bir milyon çıxarmamışam, Gürcüstandan bir dənə tetri də götürməmişəm. Mənim bu qədər pulum olsaydı,vəkillərin xərcləri üçün son torpaq sahəsini satmazdım.

Yalnız bir şey doğrudur ki, bütün bunlar Mariya Zaxarovanın bəyanatının kontekstinə uyğun gəlir.

Məni öldürmək üçün xüsusi əməliyyatın son mərhələsindəyik və hamı bu işə qarışıb: “parlamentarilər”, “jurnalistlər”, indi də klinika. Mən Gürcüstanı və dünyanı bu cinayətkar korporasiyanın öz bəd niyyətlərini həyata keçirməsinin qarşısını almağa çağırıram”, – deyə Saakaşvili yazıb.

Xuraman Etibarlı,

KONKRET.az