Rusiyanın Nijnekamsk şəhərinə dron hücumu nəticəsində iki nəfər ölüb, 12 nəfər yaralanıb.

KONKRET.az xəbər verir ki, bu barədə TASS məlumat yayıb.

Məlumata görə, sentyabrın 13-ü səhər saatlarında şəhərdə sənaye və mülki obyektlər dronlarla vurulub.

Fabriklərdən birində yanğın baş verib və hazırda söndürülür. Buna baxmayaraq, müəssisədə istehsal prosesi dayandırılmayıb.

Dronlardan biri ağaca çırpılıb və yaxınlıqda içərisində dörd gəncin olduğu avtomobilə ziyan vurub. Hadisə nəticəsində iki gənc yerindəcə ölüb, digər iki nəfər ağır vəziyyətdə xəstəxanaya yerləşdirilib.

Digər dron yaşayış binasına dəyib. Hücum nəticəsində binada dörd nəfər xəsarət alıb və onlara tibbi yardım göstərilir.

Ümumilikdə sənaye və mülki obyektlərə edilən hücumlar nəticəsində 12 nəfərin yaralandığı bildirilir.

Günay Əli

KONKRET.az