“Qarabağdakı erməni ordusunun onurğa sütunu bu kabinetdə barəsində qərar verilən Lələtəpəyə hücumda qırıldı…”
“6 oktyabr 2020-ci il tarixində, saat 15: 00-da -Cəbrayılın süqutu onsuz da aydın olduğu bir məqamda Ermənistanın həmin vaxt Stepanakertdə olan faktiki lideri cinayətkar bir qərar verdi və nəticədə bu erməni hərbi birləşmələri tamamilə məhv edildilər:
* Cəbrayıldakı hərbi hissəsinin qalıqları
* Füzuli tank hərbi hissəsi –
* Xocalı tank hərbi birliyi
* Araler (Daşkəsən) hərbi hissəsinin qalıqları
* Piyada və hərbi texnikanın çox hissəs…i”
KONKRET.az xəbər verir ki, bu məlumatı qəsbkar Ermənistanın terrorçu eks-prezidenti Robert Köçəryanın oğlu Levon Köçəryan sosial şəbəkədə paylaşıb.
“Əslində Artsax Müdafiə Ordusunun onurğa sütunu bu kabinetdə barəsində qərar verilən Lələtəpəyə edilən macəra hücumu səbəbiylə qırıldı. Əks-hücumdan əvvəl müvafiq artilleriya hazırlığı və ya kəşfiyyat aparılmadı – heç nə! Yalnız “keçmiş rəhbərlər” in itirdiyi əraziləri geri alacaqları ilə “lovğalanmaq” üçün ordunu qurban vermək məqsədli bir niyyət var idi. Nəticədə hərbi texnikamız düşmənə qaldı, piyadalarımız isə – “Smerç” zərbələri altında …
Videodan gördüyünüz kimi, bu ofisdə nə Serj Sərkisyan var, nə Robert Köçəryan, nə də digər sabiqlər. Bu otaqda 2018 və 2020-ci illərdə erməni xalqı tərəfindən seçilmiş adamlar var”- L.Köçəryanın paylaşımının ardında belə deyilir.
Fevral ayında yayılmış məlumatlara görə, ermənilər Lələtəpəyə əks-hücum əməliyyatında təxminən 830 hərbçi itirib. moderator.az