Rusiyanın Krasnodar diyarında Federal Penitensiar Xidmətin arxivini yandıran şəxs saxlanılıb.
KONKRET.az “REN TV”yə istinadən xəbər verir ki, hadisə zamanı xidmətin arxivində saxlanılan 500-dən çox fayl yanıb.
Şübhəli şəxs cinayəti isinmək üçün etdiyini deyib.
“Saxlanılan şəxsin sözlərinə görə, o, şüşəni sındıraraq binaya daxil olub, isinmək üçün kağızları yandırıb, sonra isə binanı tərk edib”, – Daxili İşlər Nazirliyindən bildirilib.
Qeyd olunub ki, binada müşahidə sistemləri və yanğın siqnalizasiyaları quraşdırılmayıb.
Şübhəli şəxsə qarşı əmlaka qəsdən ziyan vurma maddəsi ilə cinayət işi açılıb. Onu 5 ilə qədər həbs gözləyir.
İqbal Rzayev,
KONKRET.az