Xəbər verdiyimiz kimi, sosial şəbəkələrdə pornoqrafik xarakterli videomateriallar yaymaqda şübhəli bilinən Əhdiman Osmanov və tanışı Həsən Əliyev saxlanılıb, hər iki şəxs haqqında cinayət işi açılıb.

Tiktokeri nələr gözləyir? Pornoqrafik xarakterli videoların sosial şəbəkədə yayılması ilə bağlı qanunvericilikdə hansı cəza nəzərdə tutulur?

KONKRET.az xəbər verir ki, globalinfo.az-a danışan “Vətəndaşların Əmək Hüquqlarını Müdafiə Liqası”nın İcraiyyə Komitəsinin sədri, hüquqşünas Sahib Məmmədov deyib ki, pornoqrafik materialların hazırlanmasına və yayılmasına görə Cinayət Məcəlləsində məsuliyyət nəzərdə tutulur:

“Belə əməllərə görə 2000 manatdan 4000 manatadək cərimə və ya iki ildən üç ilədək azadlıqdan məhrumetmə cəzası tətbiq edilə bilər. Təqsir sübuta yetirildiyi halda, məhkəmə işin hallarından asılı olaraq müvafiq cəza müəyyən edir”.