Qazaxıstanın Karaqanda şəhərindəki ticarət mərkəzində naməlum şəxs 25 yaşlı gənci eskalatordan itələyib.

KONKRET.az xarici mediaya istinadən xəbər verir ki, gənc oğlan eskalatorla enərkən, tanımadığı şəxs qaçaraq arxadan onu təpikləyib.

Məlumata görə, zərərçəkmiş pilləkənlərdən aşağı yuvarlanıb və huşunu itirib.

Polis tərəfindən saxlanılan 31 yaşlı kişi ruhi xəstəxanaya yerləşdirilib.

Qeyd olunub ki, o, əvvəllər bu tibb müəssisəsində qeydiyyatda olub.

Hadisə ilə bağlı cinayət işi başlanıb.

İqbal Rzayev,

KONKRET.az