Rusiyanın “1-ci Kanalı”nda tok-şousu aparıcısı Artyom Şeynin Ermənistanda revanşist əhvalı qızışdırmağa təhrik edən çıxış edib.

KONKRET.az Musavat.com-a istinadla xəbər verir ki, Qarabağla bağlı sülh sazişindən danışan Şeynin “bu söhbət hələ bitməyib” deyib.

“Qeyd-şərtsiz məğlubiyyət yaşayan ermənilərin bütün acılarını başa düşürəm və əmin edirəm ki, bu, müvəqqəti məğlubiyyətdir və qurtuluş kimi qəbul edilməlidir. Əgər doğru nəticələr çıxarılsa, o zaman biz hələ sevinəcəyik”, – Şeynin bildirib.

Bununla Şeynin açıq şəkildə eyham vurub ki, Ermənistan düzgün nəticə çıxarsa, güc yolu ilə revanş götürməsi mümkündür.

Özü də Şeynin bunu Rusiyanın Türkiyə ilə ortaq sülhməramlı missiyası çərçivəsində “mavi dəbilqələri” Qarabağda yerləşdirdiyi bir vaxtda deyib. Üstəlik, Moskvanın bölgədəki davranışının ən azı birmənalı qarşılanmaması fonunda bunu edib.