“Ukrayna Silahlı Qüvvələri Müdafiə Qüvvələrinin digər komponentləri ilə birlikdə hazırda Rusiya Federasiyası Silahlı Qüvvələrinin genişmiqyaslı hücumunu dayandırıb və dayandırır”.

KONKRET.az “UNİAN”a istinadən xəbər verir ki, bu barədə brifinqdə briqada generalı, Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini Aleksiy Qromov bildirib.

Onun sözlərinə görə, Rusiya silahlı qüvvələri müəyyən ərazilərdə təkcə şəxsi heyətin sayına görə deyil, həm də hərbi texnikanın təchizatına görə Ukrayna Silahlı Qüvvələrinin bölmələrindən on dəfə üstün olub:

“Ukrayna Silahlı Qüvvələri, Müdafiə Qüvvələrinin digər komponentləri ilə birlikdə, silahlı qüvvələri nəinki müəyyən istiqamətlərdə 10 dəfə üstünlük təşkil edən Rusiya Federasiyası silahlı qüvvələrinin genişmiqyaslı hücumunu dayandırıb. Xüsusən də, Xarkovu mühasirəyə almaq üçün uğursuz cəhddən sonra düşmən müdafiəyə keçdi. İzyum istiqamətində ruslar da müdafiəyə keçərək qüvvələrini Luqansk istiqamətinə ötürüb”, – Qromov qeyd edib.