Rusiyanın müdafiə naziri Sergey Şoyqu iki hərbi dairənin komandirlərini dəyişdirib.
KONKRET.az xəbər verir ki, bu barədə RBC mənbələrə istinadən məlumat yayıb.
Nəşrin məlumatına görə, Cənub Hərbi Dairəsinə general-polkovnik Sergey Kuzovlev, Qərb Hərbi Dairəsinə isə general-leytenant Yevgeni Nikiforov rəhbərlik edəcək.
Kuzovlev 2020-ci ilin noyabrından 2021-ci ilin fevralına qədər Suriyadakı Rusiya silahlı qüvvələrinin qrup qoşununa, ondan əvvəl isə Qərb və Cənub hərbi dairələrinin bölmələrinə komandanlıq edib.
Nikiforov 2020-ci ildən Şərq Hərbi Dairəsinin komandanının birinci müavini, ondan əvvəl isə Qərb Hərbi Dairəsinin komandanının müavini olub.