Ukrayna hərbçiləri Rusiya ordusu üçün döyüş meydanında “bir nömrəli hədəfə” çevrilən Amerikanın “Abrams” tankları ilə bağlı problemlərdən şikayətlənir.

KONKRET.az-ın məlumatına görə ki, bu barədə CNN xəbər yayıb.

Bildirilir ki, sözügedən tankların zirehləri kifayət deyil:

“O, ekipajı qorumur. Hazırda dron müharibəsi gedir. Rusların əsas hədəfi “Abrams” tanklarıdır. Kifayət qədər zireh olmadan döyüş maşınının ekipajı meydanda sağ qala bilməz”.

CNN-in məlumatına görə, ukraynalı tank ekipajları Amerika texnikasının zəifliyini DXR-də Avdievka yaxınlığındakı döyüşlər zamanı müşahidə ediblər. Abrams sürücüsü zirehin nüfuz etməsi səbəbindən ayağını itirib.

Lakin bu, Amerika tanklarının yeganə çatışmazlığı deyil. Kanal bir sıra texniki problemlərə diqqət çəkib.

Telekanalın çəkiliş qrupunun verdiyi məlumata görə, texnikanın Polşadan yeni gətirilməsinə baxmayaraq, zirehli maşınlardan biri mühərrik nasazlığı səbəbindən demək olar ki, hərəkətsiz olub.

“Ukrayna hərbçiləri həmçinin şikayət edirlər ki, yağış və ya duman zamanı kondensasiya zirehli maşının içərisində elektronikanı yandıra bilər”, – CNN bildirib.

Ukrayna cəbhəsinin hər yerində olduğu kimi, tanklar üçün sursat da ciddi problem olaraq qalır. Ekipaj “Abram”ların NATO tipli müharibə üçün nəzərdə tutulduğunu hesab edir.

Günel Mikayılova,

KONKRET.az