KONKRET.az Ermənistan Xüsusi İstintaq Xidmətinin mətbuat xidmətinə istinadən xəbər verir ki, Ermənistan Yol Polisi İdarəsi rəisinin nəqliyyat vasitələrinin qeydiyyatı və texniki müayinəsi üzrə müavini Artur Tonoyan vəzifə səlahiyyətlərindən sui-istifadə etməkdə ittiham olunur.
Cinayət istintaqı zamanı Tonoyanı 195-cü maddənin 2-ci hissəsinin 3-cü bəndinə (vəzifə mövqeyindən istifadə edərək qanunsuz rəqabət təcrübəsi) və 308-ci maddənin 1-ci hissəsinə (vəzifə səlahiyyətlərindən sui-istifadə) ittiham etmək üçün kifayət qədər sübutlar əldə edilib.
Rəsmi səlahiyyətlərindən sui-istifadə edən Artur Tonoyan öz cinayətkar əməllərini etiraf edib.
Tonoyan barəsində həbs qətimkan tədbiri seçilib.
Qeyd edək ki, Artur Tonoyan 2016-cı ilin oktyabr ayının əvvəlində Yol Polisi rəisinin müavini təyin edilib.