Bu gün 1 oktyabr “Ümumdünya Yaşlılar Günü” kimi qeyd olunur. Yaşlı şəxslərin sağlamlığı ilə bağlı ictimaiyyətin məlumatlandırılması məqsədilə hər il bu günü dünyada qeyd edirlər.

KONKRET.AZ xəbər verir ki, mövcud tendensiyalar dünyada yaşlı əhalinin gündən-günə artdığını bildirir.

Bu hesablamayla 2050-ci ilə qədər hər 6 nəfərdən birinin 65 və ya daha yuxarı yaşı olacağı bildirilir.

Birləşmiş Millət Təşkilatı tərəfindən hazırlanan “Dünya Əhalisinin Gözləntiləri” proqramına 2019-cu ildə edilmiş əlavələrdə bu gün 143 milyon olan 80 yaşdan yuxarı əhalinin 2050-ci ildə 426 milyona qədər artacağı proqnozlaşdırılır.