8 gün əvvəl Şəkidə avtomobil qəzasında xəsarət alan sürücü dünyasını dəyişib.

KONKRET.az qafqazinfo.az-a istinadən xəbər verir ki, noyabrın 9-da Şəki rayonunun İnçə kəndi ərazisində “Mercedes” markalı avtomobillə toqquşan “Chevrolet”in sürücüsü, 35 yaşlı Famil Şəmiyev Bakı şəhərində müalicə aldığı xəstəxanada ölüb.

Faktla bağlı cinayət işi başlanılıb, araşdırmalar aparılır.

Qeyd edək ki, hadisə zamanı bir neçə nəfər də xəsarət almışdı.