“Ukrayna Alyansın tələblərinin əksəriyyətinə cavab verərsə, ÜFP prosedurundan yan keçə və NATO-ya üzv ola bilər”.

KONKRET.az xəbər verir ki, bunu “European Pravda”ya müsahibəsində ABŞ-ın Ukraynadakı müvəqqəti işlər vəkili Kristina Kvin deyib. O bildirib ki, Ukraynanın Finlandiya və İsveç kimi NATO-ya qoşulmaq şansı var.

“Finlandiyanın ÜFP olmadan qoşulmasının mümkünlüyünə gəlincə, Üzvlük Fəaliyyət Planı heç vaxt NATO-ya üzv olmaq üçün qanuni tələb olmayıb və ona görə də Ukrayna da ÜFP olmadan alyansa qoşula bilər. Lakin mən bunu qısaldılmış prosedur adlandırmazdım”, – deyə o qeyd edib.

Kvin qeyd edib ki, ÜFP Üzv Dövlətə qarşılıqlı fəaliyyət tələblərinə nail olmağa imkan verən mexanizmdir və əgər dövlət artıq bütün tələblərə cavab verirsə, onda Üzvlük üzrə Fəaliyyət Planı lazımsız olur.

“Ona görə də, nə Ukrayna, nə də hər hansı digər ölkə Üzvlük üzrə Fəaliyyət Planı almamalı və tələblərin əksəriyyətinə ümumilikdə cavab verildikdə, onu həyata keçirməməlidir”, – deyə Kristina Kvin bildirib.

Aprelin 15-də Finlandiya Prezidenti Sauli Niinistö NATO-ya üzvlük üçün rəsmi müraciət etdiyini açıqlayıb.

Əvvəllər neytral mövqe tutan ölkənin bu tarixi qərarı Rusiya Federasiyasının heç bir səbəb olmadan Ukraynanı işğal etməsindən sonra yaranıb.

Finlandiyadan sonra başqa bir neytral dövlət İsveç də NATO-ya daxil olmaq istədiyini elan edib.

Xuraman Etibarlı,

KONKRET.az