KONKRET.az xəbər verir ki, Ermənistanın Baş Naziri Nikol Paşinyan öz Facebook səhifəsində ölkənin beynəlxalq ehtiyatlarının 386 milyon dollar artması barədə yazıb və qeyd edib ki, “bu göstərici hazırda ölkənin müstəqillik tarixində ən yüksək səviyyədədir”.
“Beynəlxalq ehtiyatlar mühüm maliyyə və makroiqtisadi amildir. Məhz bu vəziyyət sayəsində Ermənistanın iqtisadi reytinqi daim yüksəlir”, – deyə Paşinyan əlavə edib.
Baş Nazir hökumətin məlumatlarını paylaşıb və bildirib ki, Ermənistanın 2018-ci ildə ehtiyatları 2 milyard 83 milyon dollar təşkil etdi. Cari ildə bu rəqəm 19% artaraq 2 milyard 469 milyon dollar təşkil edib.