Elbrusda həlak olan iki alpinistin cəsədi güclü külək və qar yağıntısı səbəbindən hələ də evakuasiya edilə bilmir. Digər üç nəfərin axtarışları isə davam etdirilir.

KONKRET.az SHOT teleqram kanalına istinadən xəbər verir ki, Bosniya və Herseqovinalı turistlərdən ibarət qrupun iki üzvü – 42 yaşlı Haris A. və 38 yaşlı Kemal V. sağ qalıb və hazırda həkim nəzarətindədirlər. Həlak olan iki nəfərin cəsədi Elbrusun əhəngli səddində, təqribən 5350 metr yüksəklikdə tapılıb.

Həmin ərazidə küləyin sürətinin saniyədə 20–25 metrə çatması səbəbindən hiss edilən temperatur təxminən -25 dərəcəyə enir.

Güclü külək, qar və sıfıra yaxın görünürlük xilasedicilərə cəsədləri çıxarmağa mane olur. İt düşən digər üç alpinist hələ də tapılmayıb. Əməliyyatın davam etdirilməsi üçün xilasetmə qrupunun şəxsi heyəti artırılsa da, dağda hava şəraiti pisləşməkdə davam edir.

Xatırladaq ki, daha əvvəl 5100 metrdən yüksəklikdə turistlərin vəziyyətinin qəfil pisləşdiyi bildirilmişdi. Yeddi nəfərdən ibarət qrupdan yalnız ikisi sağ qalıb.

Natiq Səlim,
KONKRET.az