Gürcüstan Aİ-yə namizəd statusunun Ukrayna və Moldovaya verilməsindən məyusdur.

KONKRET.az TASS-a istinadla xəbər verir ki, bunu Gürcüstan Prezidenti Salome Zurabişvili deyib.

O bildirib ki, Gürcüstan Moldova və Ukraynanın Avropa İttifaqına namizəd, Tbilisinin isə onu əldə etmək perspektivi almasından məyus olub.

Zurabişvili Strasburqda keçirilən Ümumdünya Demokratiya Forumunda deyib: “Gürcüstan namizəd statusunun Ukrayna və Moldovaya verilməsi prosesində böyük məyusluq yaşadı”.

Prezident vurğulayıb ki, Gürcüstan xalqı “o qədər avropalıdır və o qədər uzun müddətdir ki, nə vaxtsa onlar bu Avropa ailəsinə qoşulmalıdır”, vaxt itirməməyə çağırıb.

“Gürcüstanın namizədliyə ehtiyacı var”,- deyə o əlavə edib.

Xuraman Etibarlı,

KONKRET.az