Kürdəmir rayonunda hərəkətdə olan avtomobil yanıb.
KONKRET.az Report-a istinadən xəbər verir ki, hadisə Bakı-Qazax əsas magistral yolunun rayonun Atakişili kəndindən keçən hissəsində qeydə alınıb.
Belə ki, sürücü Tovuz rayon sakini İlkin İlqar oğlu Paşayev özünə məxsus “Ford” markalı avtomobillə Bakı istiqamətində hərəkətdə olarkən avtomobildə anidən yanğın baş verib və nəqliyyat vasitəsi yanaraq külə dönüb.
Hadisə yerinə FHN-in Kürdəmir rayon Dövlət Yanğından Mühafizə Hissəsinin texnikası və canlı qüvvəsi cəlb olunub və yanğın söndürülüb.
Hadisə yerinə rayonun hüquq-mühafizə orqanı əməkdaşları cəlb olunub.
Yanğının avtomobilin elektrik sistemində olan nasazlıqdan baş verdiyi bildirilir. Hazırda faktla bağlı araşdırma aparılır.