İranın Xuzistan əyalətinin Əhvaz şəhərində qədim qəbiristanlıq tapılıb.

KONKRET.az xəbər verir ki, qəbiristanlıq Qarun çayı yaxınlığında neft quyuları qazarkən təsadüfən aşkar edilib.

İranlı arxeoloq Hüseyn Feyzinin sözlərinə görə, qəbiristanlıqda qədim insanlara aid sümüklərin bəziləri təbii qətranla örtülmüş bej rəngli olub.

Arxeoloq vaza formalı qəbirlərin çaya tərəf yerləşdiyini və yəqin ki, mitraizm prinsipləri ilə tikildiyini bildirib.

İlkin araşdırmalara görə, qəbiristanlıq Parfiya dövlətinin mövcud olduğu (b.e.ə. 247 – b.e 224-cü ili) dövrə aiddir.