Fransa Prezidenti Emmanuel Makron Rusiyanı qəsdən Ermənistan və Azərbaycan arasında münaqişə yaratmaqda ittiham edib.

KONKRET.az “Reuters” agentliyinə istinadən xəbər verir ki, Makrona görə, Rusiya bunu Qafqaz regionunda və ondan kənarda vəziyyətin sabitliyini pozmaq səylərinin bir hissəsi kimi edir.

“France 2” telekanalının efirində Makron bildirib ki, Rusiya son aylar ərzində tərəflər arasında gərginliyi Azərbaycanın xeyrinə artırıb.

“Son iki ildə sərhəddə nə baş verib? 5 min rus əsgəri guya sərhədi qorumaq üçün ordadır, amma ruslar bu münaqişədən istifadə edərək Türkiyə ilə oyun qurdu və vaxtilə onlara yaxın olan Ermənistanı zəiflətdi. Nə baş verdiyini görürsünüzmü? Rusiya sabitliyi pozmağa çalışır. Bu ölkə sabitliyi pozmaq üçün Qafqazda xaos yaratmaq istəyir”, – deyə Makron bildirib.

Natiq Səlim,

KONKRET.az