Rusiya Maliyyə Nazirliyi məmurların büdcə vəsaiti hesabına ala biləcəkləri telefon, planşet və noutbuk qiymətlərinin məhdudlaşdırılmasını təklif edib.

Bu barədə KONKRET.AZ müvafiq qətnamə layihəsinə istinadən xəbər verir.

Nazirlik federal dövlət orqanlarının mərkəzi aparatlarının rəhbərləri üçün cib telefonlarının qiymətini 15 min rubldan (235 dollar), planşetlərdən – 60 min rubldan (940 dollar), noutbuklardan isə 100 min rubldan (1600 dollar) yuxarı olmayan səviyyədə müəyyənləşdirməyi təklif edib. Üstəlik, danışığa ayda 4 min rubldan (60 dollar) çox xərcləməmək təklif olunur.

Eyni zamanda, layihədə məsləhətçilər və köməkçilər üçün qadjetlərin dəyəri də nəzərdə tutulub. Onlar üçün bir telefonun qiyməti 10 min rubldan (160 dollar) çox ola bilməz, rabitə – 2 min rubldan (30 dollar), bir tablet – 50 min rubldan (800 dollar), noutbuk isə 80 min rubldan (1250 dollar) çox ola bilməz.