Azərbaycanda polislərin maaşlarının artırılması təklif edilib.

KONKRET.az-ın məlumatına görə, bunu deputat Qüdrət Həsənquliyev Milli Məclisin Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları, Beynəlxalq münasibətlər və parlamentlərarası əlaqələr komitələrinin və İntizam komissiyasının birgə iclasında gələn ilin dövlət büdcəsi zərfinə daxil olan sənədlərin müzakirəsi zamanı deyib.

Deputat bildirib ki, polislərin maaşının ən azı iki dəfə artırılmasına ehtiyac var:

“Çünki hazırda onların maaşı çox aşağıdır. Polislər ictimai asayişin qorunmasında mühüm rol oynayır”.