Mingəçevirdə şəhər mərkəzindəki mağazalardan birində yanğın təhlükəsi yaşanıb.

KONKRET.az-ın bölgə müxbiri xəbər verir ki, hadisə axşam saatlarında ticarət mərkəzinə yaxın mağazalardan birində baş verib. Mağazanın elektrik təsərrüfatında baş verən qısaqapanma yanğına yol açıb.

Hadisə yerinə yetişən FHN-nin yanğınsöndürmə briqadası təhlükəni lokallaşdırıb.

Qeyd edək ki, qısaqapanmanın yaratdığı yanğın nəticəsində 12 kvadratmetrlik obyektin tavanına vurulmuş lambirin örtüyü 10 kvadratmetrlik sahədə yanaraq tam yararsız hala düşüb.

Ehtiram Muradov,

KONKRET.az