Azərbaycan Ordusunun şanlı qələbəsi ilə vətən müharibəsi başa çatdı. 44 gün ərzində ordumuz, ən müasir döyüş texnikasını tətbiq etməklə, əsl şücaət göstərərək düşməni təslim etməyə, bizim şərtləri qəbul etməklə kapituliyasiya sənədinə imza atmağa məcbur etdi.

Əsas düşmən əvvəldən bəlli olsa da, qısa müddət ərzində davam edən müharibə, məharətlə maskalanmış şəxslərin də üzünü açıb bizə göstərdi, düşmənlə dostluq edib, onun maraqlarına xidmət edənləri üzə çıxardı. Təəssüf hissi ilə qeyd edək ki, onların arasında sapı özümüzdən olan baltalar da oldu.

Bunlar döyüş səngərindən uzaqda olan “internet divan qəhramanlarıdır”. Sözügedən xainlərin fəaliyyətini, düşmənin atdığı raketlərin zərbələri qədər dağıdıcı hesab etmək olar.

Azərbaycan ictimaiyyəti 90-cı illərin keçmiş səhvlərinin təkrarlamaması üçün mütləq bu xainləri tanımalıdır.