İyulun 13-də IV Şuşa Qlobal Media Forumu çərçivəsində “Rəqəmsal platformalarda təhlükəsiz informasiya mühiti: Müasir çağırışlar və vacib həllər” mövzusunda panel müzakirəsi keçirilir.

KONKRET.az xəbər verir ki, paneldə müxtəlif ölkələrdən media rəhbərləri və rəqəmsal platformalar üzrə ekspertlər iştirak edirlər.

Müzakirələrdə rəqəmsal dövrdə təhlükəsiz informasiya mühitinin təmin olunması, süni intellekt texnologiyalarının media mühitinə təsiri, rəqəmsal platformaların məsuliyyəti, media savadlılığının artırılması və beynəlxalq əməkdaşlığın gücləndirilməsi məsələləri ətrafında fikir mübadiləsi aparılacaq.