“Rus sülhməramlılar olmasa Azərbaycan və Türkiyə Qarabağı tam tutacaq”.
KONKRET.az bildirir ki, bu fikirləri Ermənistan prezidenti Armen Sarkisyan İspaniyanın “El Pais“ qəzetinə verdiyi müsahibəsində deyib. O, Qarabağda Rusiya qoşunlarının olmasının vacibliyini qeyd edib.
“Qarabağda rus sülhməramlılar qalmasa, kim mənə Azərbaycanın Türkiyə ilə birlikdə ora gəlməyəcəyinə zəmanət verə bilər? NATO üzvü Türkiyə dördüncü tərəf olaraq dolayısı yolla 9 Noyabr anlaşmasında da iştirak etdi. Türkiyə NATO silahlarından istifadə edərək Ermənistan xalqına hücum etdi” deyə Sarkisyan Türkiyə fobiyasını büruzə verib.
Xuraman Etibarlı
KONKRET.az