“Rusiyanın böyük qələbəsi”, “Türkiyənin NATO-ya paz vurması” – Alman ekspertin qənaəti
447
Türkiyə S-400-lə bağlı durum üzündən NATO-dan çıxa bilər.
Konkret.az xəbər verir ki, bu barədə Almaniyada çıxan Focus Online qəzeti yazıb. Məqalə müəllifi Rusiyanın Türkiyəyə S-400 raket kompleksi satmasını “Putinin böyük qələbəsi” adlandırıb.
Ekspert Tomas Egerin rəyinə görə, Vaşinqton bu sazişə görə Türkiyəyə sanksiya tətbiq etməyə məcbur olacaq, Ankara isə buna NATO-dan çıxmaqla cavab verə bilər.
“Bu, NATO üçün böyük geostrateji itki olacaq”, – Eger yazır.
Professor izah edir ki, bu münaqişənin nəticəsi Türkiyə prezidenti Ərdoğanın öz siyasi gələcəyinin təminatını nədə görməsindən asılı olacaq. “Ancaq hətta Ankara radikal qərarlardan imtina etsə də, artıq NATO-ya paz vurulub”, – o, qeyd edir.
“Türkiyə ilə sazişin sayəsində Rusiyanın dünyadakı nüfuzu sürətlə artır, rusiyalı hərbçilər isə məxfi göstəricələrə çıxış əldə edəcəklər”, – Eger bildirir.
Qeyd edək ki, S-400-lərin Türkiyəyə daşınması iyulun 12-dən başlayıb. ABŞ-ın Ankaraya sanksiya tətbiq etməsi isə gələn həftənin sonlarında gözlənilir.
Vaşinqton narahatdır ki, Rusiyadan alınmış raket sistemi onun F-35 tipli qırıcı təyyarələri üçün təhlükəli olacaq.
