Rusiyada Mərkəzi Bank əsas faiz dərəcəsini illik 5.5% -dən 4.5% -ə endirdi. Bu, ölkədə tarixi minimum kimi qiymətləndirilir.
KONKRET.az xəbər verir ki, ekspertlər bildirirlər ki, Rusiyada hələ faiz dərəcələrinin 2015-ci ildən bu qədər kəskin azalması olmayıb..
Qərar Mərkəzi Bankın İdarə Heyətinin iclasından sonra verilib. Bütün bunlar iqtisadiyyata pandemiyanın təsiri ilə mübarizə aparmağa kömək edəcək. Xüsusilə kreditlər, o cümlədən ipoteka kreditləri ucuzlaşacaq.
Ən mühüm və əhəmiyyətli məqam isə odur ki, kiçik və orta sahibkarlığı dəstəkləmək üçün tənzimləyici kreditlər üzrə faiz dərəcəsi illik 2,5% -ə endirilib.
Görəsən, Azərbaycan iqtisadiyyatını dirçəltmək məqsədilə Mərkəzi Bank belə bir qərara imza atacaqmı? Gözləyək!