Əfqanıstanda hakimiyyəti ələ keçirmiş “Taliban” qruplaşması Pəncşir vilayətindəki müqavimət qüvvələrini mühasirəyə alıb.

KONKRET.az xəbər verir ki,”Taliban” məsələni sülh yolu ilə nizamlanmaya çalışdığını bildirib.

Pəncşirdə Əhməd Məsud və vitse-prezident Əmənulla Salehin müqavimət qüvvələri “Taliban”a qarşı mübarizə üçün toplaşıblar.

Qeyd edək ki, Əfqanıstanda ən mürəkkəb relyefə malik əyalət – 140 mindən çox əhalisi olan Pəncşir, Kabildən çox da uzaqda deyil. Pəncşir, ölkədə taliblərin nəzarətinə keçməyən yeganə əyalətdir. “Taliban”, hətta 1990 -cı illərdə Əfqanıstanda ilk dəfə hakimiyyəti ələ keçirilərkən buna nail ola bilməyib. Buna görə, əyalət coğrafi mövqeyi baxımından strateji əhəmiyyətə malikdir.