Türkiyə və İran nümayəndələri iki ölkə arasındakı sərhədlərin təhlükəsizliyinin gücləndirilməsi, qanunsuz miqrasiyaya və narkotik qaçaqmalçılığına qarşı mübarizə məsələlərini müzakirə ediblər.

KONKRET.az xəbər verir ki, bu barədə “Anadolu” agentliyi məlumat yayıb.

Sərhəd təhlükəsizliyi məsələlərinə həsr olunan görüş Ağrı valisi Öndər Bozkurtdun sədrliyi ilə keçirilib.

Türkiyə nümayəndə heyətinə Öndər Bozkurtd, İran nümayəndə heyətinə isə Maku bölgəsinin sərhəd mühafizə qüvvələrinin komandanı, polkovnik Mehdi Həbibzadə rəhbərlik edib.