Türkiyədə Ay və Mars missiyalarını simulyasiya edən yarış keçirilir.

KONKRET.az xəbər verir ki, bu barədə Türkiyə Kosmik Araşdırmalar Cəmiyyətinin (UKET) təşkil etdiyi Anatolian Rover Challenge (ARC) tədbirindən məlumat verilib.

Yaxın Şərq Texniki Universitetinin (ODTÜ) kampusunda keçirilən yarışda Türkiyə və digər ölkələrdən 25 komanda iştirak edir.

Tədbir çərçivəsində komandalar planetlərin tədqiqində istifadə olunan pilotsuz yerüstü aparatların köməyi ilə Ay və Mars səthlərini imitasiya edən xüsusi meydançalarda müxtəlif strateji tapşırıqları yerinə yetirmək üzrə yarışırlar.

UKET tərəfindən beşinci dəfə təşkil olunan müsabiqə avtonom idarəetmə, elmi tədqiqatlar və gecə sınaqları kimi mərhələləri əhatə edir. İştirakçılar bu mərhələlərdə hazırladıqları aparatların texniki imkanlarını yoxlayırlar.

Təşkilatçılar bildirirlər ki, yarış Türkiyənin milli kosmik hədəflərinə uyğun olaraq insan kapitalının və texnoloji imkanların inkişafı üçün mühüm platforma yaradır.Kəşfet üçün başlıq variantları:

Müşviq Tofiqoğlu
KONKRET.az