Qazimiz xərəkdə yola salındığı Türkiyədən vətənə ayaqları üstündə qayıdıb.
KONKRET.az xəbər verir ki, “YAŞAT” fondu tərəfindən Türkiyəyə göndərilən Nurlan Tağıyevin müalicəsi uğurla nəticələnib.
“Müalicəyə yola salınanda ağrılarına, vəziyyətinin ağırlığına baxmadan yalnız gülümsəyirdi. Bu gülümsəmənin ardında möhkəm iradə, böyük inam və ümidlər var idi. Budur, Nurlan Tağıyev xərəkdə yola salındığı Türkiyədən vətənə ayaqları üstündə qayıdıb”, – “YAŞAT”ın məlumatında deyilir.
Qazimiz 17 il Xüsusi Təyinatlı Qüvvələrin sırasında xidmət edib, Aprel döyüşləri və Vətən müharibəsində böyük şücaət göstərib.