CHP lideri Kamal Kılıçdaroğlu Türkiyə parlamentində (TBMM) çıxışı zamanı xalq olaraq hər zaman Azərbaycanın yanında olduqlarını deyib.

KONKRET.az xəbər verir ki, bu barədə “Haber Global” məlumat yayıb.

Kılıçdaroğlu bildirib ki, Ermənistanın Azərbaycan torpaqlarını işğalına son qoyulmalıdır:

“83 milyon olaraq ürəyimiz Azərbaycanla… Birliyi və bütünlüyü qoruyaraq işğalı bitirmək lazımdır. Beynəlxalq hüquq Azərbaycanın haqlı olduğunu deyir”.

O qeyd edib ki, cənab İlham Əliyev də bu barədə “Bizim Ermənistan xalqı ilə problemimiz yoxdur, amma Ermənistan rəhbərliyi ilə var”, – deyə qəti açıqlamalar edib.