Azərbaycan Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev Meşəli soyqırımı hadisələri ilə bağlı beynəlxalq axtarışda olan və bu gün Laçın postunda saxlanılan Xaçaturyan Vaqif Çerkəzoviçla bağlı paylaşım edib. 

KONKRET.az xəbər verir ki, H.Hacıyev hərbi cinayətkarın saxlanılmasına Ermənistan mediasının etirazını qınayıb:

“25 mülki azərbaycanlını qətlə yetirmiş hərbi cinayətkar Vaqif Xaçaturyanın saxlanılmasına Ermənistanın rəsmi, ictimai/media qurumlarının “etirazı” dövlət səviyyəsində hərbi cinayətlərə dəstək və haqq qazandırmaqdan başqa bir şey deyil. O, insanları qaçaqmalçılıq yolu ilə keçirmək üçün BQXK-nin tibbi evakuasiyasından istifadə etməyə çalışıb”.