“Bakı “DQR” ərazilərinin 75 faizinin Azərbaycan tərəfindən tanınması müqabilində erməni təxribatçılarını geri qaytarmağa hazırdır”.

KONKRET.az erməni mediasına istinadla xəbər verir ki, bu fikri Ermənistanın AŞPA-dakı nümayəndəsi Naira Zohrabyan səsləndirib.

Zöhrabyan deyib: “Seyidov [Azərbaycanın AŞPA-dakı nümayəndə heyətinin rəhbəri] Ermənistanın sülh müqaviləsi imzalamasına razı olduğu təqdirdə Azərbaycanın terrorçuların geri qaytarılması məsələsini müzakirə etməyə hazır olduğunu söylədi. Yəni Qarabağın 75%-i daxil olmaqla Azərbaycanın ərazi bütövlüyünü tanımaq. O zaman onlar  oğlanlarımızın geri dönməsini düşünməyə hazırdırlar”.

Açıq-aşkar görünür ki,  Zohrabyan Seyidovu düzgün başa düşməyib. Ermənistan Azərbaycanın ərazi bütövlüyünü tanıdığı təqdirdə, Bakı  erməni təxribatçılarının geri qaytarılması məsələsini nəzərdən keçirməyə hazırdır. İrəvanın başqa variantı yoxdur. Başqa variantı budur:  Ermənistan “Böyük Ermənistan” xülyasını əl çəkməsə, nəticədə dövlətçiliyi də yox olacaq.

Xuraman Etibarlı

KONKRET.az