“Baş vermiş hadisə ilə əlaqədar dərin sarsıntı keçiririk. Faciə barədə məlumatlar azyaşlı qızın ilk baxışdan təbii ki, qətlə yetirilməsi fikrini formalaşdırır. Bununla bağlı artıq cinayət işi başlanılıb, araşdırma aparılır. Təqsirləndirilən şəxslərin ən qısa zamanda aşkar edilərək məsuliyyətə cəlb ediləcəyini ümid edirik”.

Roman Qaraşov bildirib ki, cinayət məcəlləsinə əsasən bu əməli törədən şəxs aşkar surətdə köməksiz vəziyyətdə olan insanı həytdan məhrum edib:

“Bu o deməkdir ki, 20 ilədək azadlıqdan məhrumetmə və ya ömürlük azadlıqdan məhrumetmə cəzalarının tətbiqi mümkündür. Azyaşlı yandırılaraq qətlə yetiribsə cinayət qanunvericiliyinə əsasən məhz bu cür əməl tövsif olunacaq. Digər bir versiya azyaşlıya qarşı zorakılıq olunub, qətlə yetirilib və meyiti yandıraraq izləri itirilməyə çalışılıb. Bu halda Cinayət məcəlləsinin daha bir neçə əlavə maddəsi ilə istintaq aparıla bilər. Hər bir halda müəyyən qənaətə gəlmək üçün istintaqın gedişini diqqətdə saxlamaq lazımdır”.

Qeyd edək ki, 10 yaşlı Nərminin qatili tapılmayıb.

AZXEBER.COM