22 yaşlı Şəki sakini Bakıda fəhlə işlədiyi sexdə faciəvi şəkildə həyatını itirib.

KONKRET.az sheki.media-ya istinadən xəbər verir ki, hadisə Abşeron rayonunun Məmmədli kəndi ərazisində qeydə alınıb.

Sexlərdən birində fəhlə işləyən Şəkinin Qoxmuq kənd sakini, 22 yaşlı Ramil Rafiq oğlu Saatovun üzərinə dəmir konstruksiya aşıb.

Nəticədə gənc oğlan yerindəcə keçinib. O, bu gün Şəkinin Qoxmuq kəndində dəfn edilib.

Faktla bağlı araşdırma aparılır.