Fələstin prezidentinin müşaviri Mahmud əl-Həbaş bildirib ki, ölkə ABŞ-nin müqavimətinə baxmayaraq, BMT- yə tamhüquqlu üzv olmaq cəhdini davam etdirməyi planlaşdırır.
KONKRET.az “RİA Novosti”yə istinadən xəbər verir ki, müşavir bildirib ki, Fələstin BMT-nin tamhüquqlu üzvü olmaq üçün səylərini davam etdirir: “Düzdür, burada ABŞ Fələstinə maneə yaradır. Hər bir çətinliyə baxmayaraq Fələstin BMT-nin tamhüquqlu üzvü olacaq”. Fələstin prezidentinin müşaviri sonra əlavə edib ki, dövlətçiliyin daha çox ölkə tərəfindən tanınması üçün səylər davam edir. Bundan əvvəl əl-Həbaş İsrailin Qəzza zolağında ağ fosfordan istifadəsinin sənədləşdirildiyini və sübutların Beynəlxalq Cinayət Məhkəməsinə ötürüldüyünü bildirmişdi .
Vəli Həsənoğlu,
KONKRET.az