Ermənistanın XİN başçısı Ararat Mirzoyan bu gün Parisə gedir.

KONKRET.az xəbər verir ki, bu barədə Ermənistan XİN-ın mətbuat xidməti məlumat yayıb. Mirzoyanın Fransanın xarici işlər naziri Ketrin Kolonna və digər Fransa rəsmiləri ilə görüşü nəzərdə tutulub.

Oktyabrın 3-də Senatın altı üzvü tərəfindən Fransa hökumətini “kütləvi cinayətlər və müharibə cinayətləri”nə görə Azərbaycanı beynəlxalq səviyyədə qınamağa çağıran qətnamə layihəsi irəli sürülüb.

Sənəddə habelə, Avropa İttifaqına üzv ölkələrdən ölkəmizə sanksiya – Azərbaycandan xam neft və təbii qaz ilxalına embarqo tətbiq edilməsi istənilir.

Sözügedən qətnamə layihəsi ilə bağlı Fransa Senatında noyabrın 15-də səsvermə keçiriləcək.

Xuraman Etibarlı,

KONKRET.az