Bakıda iki sərnişin avtobusu və minik avtomobilinin iştirakı ilə yol-nəqliyyat hadisəsi baş verib.

Bakı Nəqliyyat Agentliyindən (BNA) BAKU.WS-ə verilən məlumata görə, hadisə Heydər Əliyev prospekti – Hava limanı avtomagistralında qeydə alınıb.

KONKRET.az bildirir ki, qəza nəticəsində minik avtomobili, eləcə də 131 və 198 nömrəli müntəzəm marşrut xətləri üzrə hərəkətdə olan avtobuslar toqquşub.

Qəza ilə əlaqədar Bakı Nəqliyyat Agentliyi tərəfindən araşdırma aparılır.

Daha bir avtobus qəzasının isə metronun Memar Əcəmi stansiyası yaxınlığında baş verdiyi bildirilir. Hadisə şahidlərinin verdiyi məlumata görə, qəza zamanı xəsarət alanlar olub.