“Tottenhem”in gənc futbolçusu Miki Mor UEFA Avropa liqası çərçivəsində dünən baş tutan “AZ Alkmaar” oyununda göstərdiyi performansla diqqətləri üzərinə çəkib. Komanda yoldaşı Ceyms Medson 17 yaşlı vinqerin oyunu ilə bağlı “ikinci Neymar” bənzətməsini edib.KONKRET.az xəbər verir ki, Miki Mor London təmsilçisinin alt yaş komandalarında yetişib. Milliyətcə ingilis olsa da, oyun tərzi baxımından braziliyalılara bənzədilir.
Bir çox futbol mütəxəssislərinə görə, Miki Mor gələcəyin superstarlarından biri olacaq. Sürətli və qətiyyətli oyun tərzi ilə yanaşı, yüksək texniki göstəricilərə sahib olan ingilis futbolçu, indidən bir çox klubların diqqət mərkəzindədir.//Yenisabah
