Təxminən 40 il ərzində i*tiharların qlobal təhlilinə görə, insanların həftənin hər hansı digər gününə nisbətən bazar ertəsi i*tihar edərək ölmə ehtimalı daha yüksəkdir və risk Yeni il günü daha da artır.

KONKRET.az xəbər verir ki, 1971-2019-cu illər arasında 26 ölkədə 1,7 milyon i*tihar hadisəsini təhlil edən BMJ tibb jurnalında dərc edilən araşdırmaya görə, risklər bütün ölkələrdə bazar ertəsi günlərində zirvəyə çatır.

Bir çox Şimali Amerika, Asiya və Avropa ölkələrində həftə sonları daha az i*tihar halları olduğu halda, Cənubi və Mərkəzi Amerika ölkələri, Finlandiya və Cənubi Afrikada həftə sonu bu risk artır.

Tədqiqatın müəllifləri bildiriblər ki, həftənin əvvəlində artan iş təzyiqi, həftə sonu spirtli içki qəbul etmək və bayramlarda sosial təcrid rol oynaya bilər – xüsusən də kişilərdə.

Yeni il günü risk səviyyəsi də ölkədən asılıdır. Bu əlaqə Yaponiyada ən zəif, Çilidə isə ən yüksəkdir.

Tədqiqatın müəllifləri qeyd ediblər ki, daha güclü ailə və sosial bağlar bayramlar zamanı intihar riskinin azalmasını izah etməyə kömək edə bilər, lakin intihar nisbətləri ölkələr arasında çox fərqli olduğu üçün daha çox araşdırmaya ehtiyac var./News24.az