“Ermənistanın sərhədlərin delimitasiyası və demarkasiyası üzrə səlahiyyətli orqanının Tavuş rayonunun kəndlərinin Azərbaycana təslim edilməsi ilə bağlı qərarı yoxdur”.

KONKRET.az xəbər verir ki, bunu aprelin 15-də Milli Assambleyada keçirilən ənənəvi brifinqdə “Ermənistan” müxalifət blokundan olan deputat Anna Qriqoryan deyib.

Onun sözlərinə görə, ərazilərin qaytarılması qərarı başqa səviyyələrdə həll edilib.

“Sənədin 9 noyabr 2020-ci il tarixli ilkin variantında bu ərazilərin təhvil verilməsindən bəhs edilib. Son versiyada isə bu bölmə çıxarılıb”.

Deputatın sözlərinə görə, Ermənistanın bu birtərəfli güzəşti əslində kapitulyasiyadır.

Natiq Səlim,

KONKRET