Bu məmur hər il Vasif Talıbovun ad günü məclisində iştirak etmək üçün Naxçıvana uçub – ÖZƏLbackend

Bu məmur hər il Vasif Talıbovun ad günü məclisində iştirak etmək üçün Naxçıvana uçub - ÖZƏL

14 yanvar… Bu gün çoxumuza sıradan bir tarix kimi görünə bilər. Ancaq taxtından salınmış Vasif Talıbov üçün yanvar ayının 14-ü heç də adi bir gün deyil. Məhz bu gündə Talıbov dünyaya göz açıb.

1995-ci ildə Naxçıvan Ali Məclisinin sədri vəzifəsinə seçildikdən sonra isə Talıbov üçün yanvar ayının 14-ü günü ikiqat əlamətdar olub. Belə ki, keçmiş “xan” hər il ad gününü həm də vəzifə başında keçirməklə xüsusi zövq alıb. Bahalı hədiyyələr, günlərlə davam edən ziyafətlər, şərəfə deyilən “tost”lar Talıbovun əlamətdar gününü daha da özəlləşdirib. Ancaq “ad günü” məclisləri bununla da yekunlaşmayıb. Bakıdan birbaşa reyslə Naxçıvana uçan məmurların Vasif Talıbovun ad günü münasibəti ilə düzənlənən məclislərdə mədhiyyələr söyləməsi, bahalı hədiyyələr təqdim etməsi keçmiş “xan”ı bir az da qürrələndirib.

Ötən yazımızda qeyd etdiyimiz kimi Vasif Talıbovun məclislərinə yalnız ona ən yaxın olan məmurlar dəvət alıb. Həmin şəxslər Naxçıvana AZAL-ın resyi ilə uçaraq ad günündə iştirak ediblər. Bu məmurların siyahısı təbii ki, AZAL və onun rəhbəri Cahangir Əsgərova daha yaxşı məlumdur. Ancaq KONKRET.az olaraq kiçik bir araşdırma aparıb hər il Talıbovun ad günü məclisində iştirak etmək üçün Naxçıvana uçan məmurlardan birinin adını dəqiqləşdirə bilmişik.

Məlum olub ki, Azərbaycan Milli Elmlər Akademiyasının prezidenti (AMEA) İsa Həbibbəyli hər il yanvarın 14-də Naxçıvana bahalı hədiyyələrlə uçub və Talıbovu təbrik etməyə tələsib. Onun şəninə özəl “tost” söyləmədən Bakıya qayıtmayıb. Ancaq təbii ki, İsa Həbibbəyli təyyarədə tək olmayıb. Araşdırmalarımızı davam etdirərək Vasif Talıbova yaxın olan digər məmurların adlarını da ictimaiyyətə açıqlayacağıq.

Məlumat üçün bildirək ki, Sumqayıt şəhər İcra Hakimiyyətinin başçısı Zakir Fərəcovun adı da Talıbova ən yaxın olan məmurlar sırasında hallanır. Ancaq onun keçmiş “xan”ın ad günü məclislərində iştirak edib-etmədiyi haqda dəqiq məlumat yoxdur.

Beləliklə bu gün yanvar ayının 14-ü Vasif Talıbov üçün əvvəlkilərdən kəskin fərqlənir. Artıq o, Naxçıvan Ali Məclisinin sədri deyil və “xan” titulunu da itirib. Üstəlik, başı dərddə olduğundan yəqin ki, heç ad günü də yadına düşmür. İndi onu təbrik etmək üçün “məmur dost”ları da Naxçıvana uçmaq uğrunda növbəyə düzülməyib.

Əksinə bir vaxtlar şəninə təriflər yağdıran həmin məmurlar hazırda Talıbovun qanunsuz əməllərindən ağız dolusu danışırlar. Necə deyərlər, “çərxi fələk tərsinə çönüb”. İndi Talıbovlar ailəsinin ad günü təbriklərindən daha çox duaya ehtiyacı var. Bəlkə canlarını dəmir barmaqlıqlar arasında keçirməkdən qurtara bildilər.

KONKRET.az-ın ANALİTİK QRUPU

  • Tural
    Yanvar 14, 2023 - 20:03

    Salam,Naxcivanla bagli yazmaq istedim, naxtrlin aqibeti nece olacaq bes, Bakida Naxtel nomresi rouminqle calisir, interneti ise calismir, zehmet olmasa bunuda gundeme getirin

  • MİRZƏ
    Yanvar 14, 2023 - 21:01

    Heç nə əbədi deyil.Hətda dünyanın da sonu var .İnsan səhv etdikcə kamilləşir.Kamil insan olmaq,varlı olmaqdan üstündür.

  • Axundov Ferhad ( Culfa).
    Yanvar 15, 2023 - 13:18

    70-ci illerde Kamaz soferi olan Vasıfi 90-ci illerde pul gudurtdu.Bunun günahı ona diktatörlüğünu jaratmaga imkan veren memurlardadir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*