Çeçenistanda daşqınlarla əlaqədar fövqəladə vəziyyət elan olunub.

KONKRET.az xəbər verir ki, martın 27-dən etibarən 18 yaşayış məntəqəsində 1817 ev su altında qalıb, 17 körpü və 5 qaz kəməri zədələnib, həmçinin bənd yuyulub.

Əlverişsiz hava şəraiti nəticəsində 28 yol dağılıb, 17 körpü, 5 qaz kəməri və 6 transformator zədələnib, 48 ev qismən dağılıb və bir bənd sıradan çıxıb.

Su basmış Kunduxovo qəsəbəsindən 50-dən çox sakin təxliyə edilib.

Təbii fəlakətin nəticələrinin aradan qaldırılmasına 2 mindən çox insan və 668 texnika cəlb olunub.