Pakistanın Karaçi şəhərində son 2 həftədə tənəffüs çatışmazlığına səbəb olan naməlum xəstəlikdən azı 10-u uşaq olmaqla 18 nəfər ölüb.

KONKRET.az xarici mediaya istinadən xəbər verir ki, xəstəlik Karaçinin Kimari rayonunda yayılır.

Rəsmilər bölgədə neft, yağ və dəmir zavodlarının fəaliyyət göstərdiyini bildiriblər.

Xəstələrdə müşahidə olunan tənəffüs çatışmazlığına bu müəssisələrdən çıxan zəhərli qazların səbəb olduğu düşünülür.

Məlumata görə, istintaq çərçivəsində bölgədə fəaliyyət göstərən 3 zavod bağlanıb, 4 nəfər isə saxlanılıb.

İqbal Rzayev,

KONKRET.az